كيفية شراء الكونتاكتور حسب طبيعة الحمل

تقييم الموضوع

احنا كنا شرحنا قبل كدا الكونتاكتور شرحا كاملا من نظرية عمله و كيفية توصيله فى الدائرة و انواعه و كيفية اختياره حسب خواص الكونتاكتور نفسه من جهد تشغيل و تحمله للتيار و عدد و نوع النقاط المساعدة و غيرها فى الموضوع السابق

1506410_340759556110794_6884206788923107391_n

فى هذا الموضوع ها نشرح ازاى اختار الكونتاكتور حسب طبيعة الحمل
انواع الكونتاكتور حسب الحمل المراد تشغيله

AC1 contactor type
و ده نوع بيصلح للعمل مع الاحمال القريبة من كونها resistive loads او الاحمال قليلة الحث زى احمال الانارة مثلا
و هنا تصنع النقاط الاساسية للكونتاكتور بحيث تتحمل حوالى 1.25 من قيمة تيار الحمل
و النوع ده اكيد ها يكون ارخص الانواع

AC3 contactor type
و ده نوع من الكونتاكتورات بيكون مصمم للتشغيل الاحمال الحثية العالية .. بالطبع زى المحركات و اشهرهم المحرك الثلاثى الحثى three phase induction motor
و تصنع النقاط الاساسية لهذا النوع بحيث تتحمل حوالى 10 اضعاف تيار المحرك الكلى … و السبب فى النسبة العالية ديه انى عايز اضمن تحمل الكونتاكتور للحظات بدء المحرك ( اللى بيوصل التيار فيها لحوالى 7 اضعاف المحرك ) و لحظات ايقاف المحرك ايضا
طبعا النوع ده اغلى من النوع الاول AC1

AC4 contactor type
النوع ده بيستخدم ايضا لتشغيل المحركات .. و لكن يتحمل اكثر من النوع الثانى AC2 … و دائما بستخدم النوع ده لما يكون فيه زيادة فى عدد مرات التشغيل و الايقاف للمحرك فى وقت قليل .. و كمان لو ها استخدم المحرك فى اتجاهين ( رابط شرح دائرة تحكم لمحرك اتجاهين ) http://youtu.be/C9j0Is7Ne58
و هنا تصنع النقاط الاساسية بحيث تتحمل حوالى 12 اضعاف تيار المحرك الكلى
طبعا ده اغلى الانواع .. عشان بيتحمل اكثر
انتهى الموضوع … شكرا على المتابعة

إترك تعليق: